جرائم الإنترنت المظلم من أخطر الجرائم علي وجه الأرض
السلام عليكم ورحمه الله وبركاته
اصدقاء وزائرين صفحه wd-max اقدم لكم موضوع مهم علي المستوي
العالمي وهو ال Deeb Web او الانترنت المظلم (العميق).
احنا يوميا بنتعامل مع ال Visible Web (الانترنت المعروف) اللى تحت عيون الحكومه والرقابه اللى كل العمليات اللى بتحصل عليه public (واضحه) زى الفيس بوك
والانستجرام وتويتر المهم انها المواقع اللى بتبدى ببروتوكول http و www
وتنتهى ب com. أو org. مثلاً .
زى موقع الفيس بوك : http://www.facebook.com وده بس الانترنت اللى انت
عايش يوميا عليه بيمثل من 5 الي 7% فقط من الانترنت اما بقا الانترنت اللى انت
ماتعرفش عنه حاجة هو ال Deep Web.
ال Deep Web هو شبكه الانترنت المظلم اللى بيجتمع فيها عبدة الشيطان الماسونيه والعصابات والهكرز العمالقه بيمارسو فيه جميع نشاطاتهم بعيدا تمام عن عيون الحكومه
والمخابرات لانه بختصار شبكه الديب ويب مابتبدأش ب www ولا بتنتهى ب com
عشان كدا مستحيل توصل لمواقعهم عن طريق google , وعالم ال deep web ده
بيحصل فيه جميع وأبشع انواع الجرائم اللى ممكن تيجى فى خيالك وبتبقا فى اوروبا
غالبا والمواقع عباره عن .
- مواقع لتجاره السلاح والاسلحه البيولوجيه
- مواقع تجاره المخدرات والادوية
- مواقع ادوات الهكرز والثغرات
- مواقع خطف الاطفال والتجاره فى الاعضاء
- مواقع للقتل والاغتيالات
- مواقع اغتصاب الاطفال وتعذيبهم وتصويرهم
- مواقع لتسريب المعلومات السرية
الخ الخ ....
مش بسهوله تقدر تدخل المواقع دى لانه تم تصميمها بشفرات بين اطراف العصابات عشان يمارسو نشطاتهم بسريه يعنى عشان تدخل الديب ويب لازم تكون فاهم البرمجه والهاك وتعرف ازاى تتخفى وتخفى ال ip بتاع جهازك , انت لو شخصيه مهمه ودخلت الديب ويب ده واتكشفت حاجة من الاتنين يا هتتقتل يااما هتلاقى الانتربول والمخابرات بيخبطوا على باب بيتك . اما لو انت شخصيه مش مهمه داخل تتفرج فضول ده لو قدرت تدخل يعنى اقصى حاجة ممكن تتعمل معاك انهم يبعتولك فيروس صغير يضربلك ملفات جهازك , لانه انت فى الديب مش بتتعامل مع تاجر ادوات منزليه انت بتتعامل مع اخطر عصابات فى العالم عبدة الشيطان واذكى هاكرز ممكن تأجر منهم قاتل محترف يغتال اى حد فى العالم بمقابل مادى وممكن يجيبوك من بيتك ويجولك لحد عندك يقتلوك ويصوروك ولا حكومتك ولا شرطتك تقدر تمسكهم بسهوله اذا كان المخابرات الامريكيه بتقعد بالسنين تجرى ورا واحد منهم على ماتمسكه بس .. هما دول عبدة الشيطان الاصليين اللى مالهمش دين ولا رب ولا عندهم اى انسانيه ولا اتجاه كل هدفهم القتل والسرقه ونشر الفساد ولو قريت عنهم هتعرف انهم اقوى بكتير من انهم ينزلو يكتبولك كام بوست عالفيس وكلام اهبل وطلاسم وخادم 7 وخادم 9 . انت لو مستهدف منهم هتلاقيهم فى قلب بيتك من غير ماتحس و مهما كنت جرئ متحاولش تتحدي الناس دي هتقول طب هما ناس زيهم زينا اه انا معاك بس دول اخطر من ما تتصور ...
نشر المقال= دعم الموقع لكي نستمر
التعليق والمشاركة يجعلك من أصدقاء المجلة الأوفياء